Кыргыз Республикасынын эл аралык DemirBank банкы жана Өзбекстандын алдыңкы санарип банкы болуп эсептелген Uzum Bank стратегиялык өнөктөштөргө айланышты. Эки компания Борбордук Азия өлкөлөрүнүн тургундары үчүн ыңгайлуу, технологиялык жана коопсуз каржылык кызматтарды биргелешип өнүктүрүүнү пландап жатышат.

Кызматташуунун узак мөөнөттүү максаттарынын катарына жеткиликтүү санарип кызматтарды кеңейтүү, кардарлар менен жөнөкөй өз ара аракеттенүү шарттарын түзүү жана региондогу технологиялык жана ишкердик өнөктөштүктү бекемдөө кирет. Компаниалардын алгачкы артыкчылыктарынын бири — ыкчам жана ыңгайлуу чек ара аралык которуулар үчүн кызматтарды түзүү.

“Биз Uzum Bank менен бул жолду чогуу баштап жатканыбызга кубанычтабыз. Бул өнөктөштүк жөн гана формалдуу келишим эмес, бул — стратегиялык күч-аракеттердин биригиши. Биз биргеликте кардарлар үчүн реалдуу баалуулуктарды түзүп, Борбордук Азиянын каржы экосистемасын өнүктүрүүгө көмөктөшө турган санарип келечекке карай жылуудабыз”, — деп белгиледи DemirBankтын башкармалыгынын төрага орун басары Хасан Уфук Динч.

“DemirBank менен болгон өнөктөштүк кардарлар жана бизнес үчүн үзгүлтүксүз финтех-сервистерди өнүктүрүү боюнча тажрыйба жана мыкты практикалар менен алмашуу мүмкүнчүлүгүн берет. Өз инфратүзүмүбүздүн негизинде түзүлгөн каржылык продукттарды ишке ашыруу боюнча тажрыйбабыз колдонуучулардын тажрыйбасын жаңы деңгээлге чыгарат деп ишенем, бул эки эле өлкөнүн эмес, бүтүндөй Борбордук Азия регионунун тургундары үчүн жаңы сапаттагы чечимдерди алып келет”, — деп билдирди Uzum Bankтын башкармалыгынын төрагасынын орун басары Павел Корзик.

Маалымат үчүн:

DemirBank — Кыргыз Республикасындагы биринчи эл аралык коммерциялык банк, 1997-жылы негизделген. Бүгүнкү күндө банк республиканын банк системасында алдыңкы орундардын бирин ээлейт жана жогорку деңгээлдеги банктык кызматтардын кеңири спектрин сунуштайт. 25 жылдан ашуун убакыт ичинде банк Кыргызстандын экономикасынын өнүгүшүнө салым кошкон ондогон ири долбоорлорду ишке ашырды.

Uzum Bank — Uzum улуттук санарип экосистемасына кирген интернет-банк. Uzum Bank аркылуу миллиондогон колдонуучулар өз акча каражаттарын башкарат: товарлар, кызматтар жана коммуналдык төлөмдөр үчүн төлөп, сатып алуулардан кэшбэк алып, акча которуп жана накталай каражат ала алышат. Uzum Nasiya менен болгон интеграциясы банк кардарларына 25 миллион сумга чейинки бөлүп төлөө жана микрокредит лимиттерине жеткиликтүүлүктү, ал эми Uzum Market жана Uzum Tezkor менен болгон байланыш — экосистеманын кошумча бонустарын жана артыкчылыктарын.